Buh Tulzum Thuphate Sim

Khuahunte kitum dang indaingo te hong kiata hi. Kimlepamte khuadak leng engdimdem,lonote buhkungte tulzum ta a, kumkhen khudo hong naita ei guai aw.
Kum sim in October kha, Khalikni pen Khuado Ni, a pini zat ding in vaihawmna kinei hi. A muakni pen tuama nikhat ni hi den ding hi.
 A muakni in Pahtawipiakna,Ngeina lam tuamtuam lahna leh Biakpiaknahun khat khuazang in kinei ding hi. Khuado hun ni 2 sung hi ding hi.
Kimawlna tawh kisai pen tua Khuadoni a tunma nite sung ah neih theih hi a, ZYA te vaipuak in hong neiding uh hi.
Lungdam huai thukhat ah :  21.8.2014 ni in Sang Sm. Cing Sian Lung, Aipha a sem Zozang hong tunga,21.9.2014 ni in Sm. Thawng Khan Huai, Thenzang a sem Zozang sang hong tung hi. October kha sung mah in sangsia 2 hong tung lai ding cih thu ging petmah e.
Zozang tuidawn ding Kumpi pan Lawdaw buject pan teng 20Ks. leh Tuilakna tuibul puahphatna ding teng 50ks. hong kipia hi. Tuilakna ding in Phunum Laihawi lui leh Zotui koilazaw ding cih kilung iang mahmah lai hi.
 I omna ciat pan Khuado hunnuam mangciat ni.

Me Laisuan vai in Thukhenna Thuak

NLD pan U Myo Yan Naung Thein in phalna omlo pi in me(kitelna) laidal Tedim khuapi Lawibual veng Hausa zuma kisuang July22,2014 a tawina vai in Tedim thukhen zum ah thukikhen ngah a,sum teng1 ahih kei leh kha 3 thong khia ding ci in23.9.2014 in a man Mizzima New ah gen hi.   

Tuinek Ding Huhna Kingah

Palvak(Zozang):Lutdaw huhna pan in Dolluang Ohsuh sungah a nuai a khuate in huhna kingah hi.
Tuivial in Tuizem bawlna ding Lakh 50
Mualzang in Sanginn lamna      Lakh60
Mainuai in Sola leinading          Lakh 80
Zozang in Tuibulbawlna ding    Lakh 50
Zozang in  Tuinek ding              Lakh  20
kingah hi.
Tuilakna ding a'Phumnum Laihawi' lui ki en a, atui hoih in nek ding in sianglim hi.Khuakhal sung in zong tui kanglo hi. Ahi zong in hong kia sum tawh kituak ding in "Zotui" hi leh a ci zong kiom hi. Tuni(22.9.2014)ni in Hausa lampan Pa Dal Khau Lang, Pa Cin En Thang, Pa Thang Lian Do leh Hausapa in va en uh hi.

ZYA Lengsawn Thak,Zozang

Abeisa 2012 ma lai in Zozang Youth Association in meiset Project ding gel uh hi. Tua zawh ciang Panmun kitelna om a, ZYA makai thakte in tua Project pen Lengsawn bawl ding hong suah uh hi.
President : Pa Thang Sian Mang
Vice President : Pa Gin Suan Lian
Secretary : Pa Kap Cin Khai
Treasurer : Pa Dong Khua Lang
Accountant: Pa Hau Lam Kap
Aakavankem: Pa Kap Lian Khai
Aakamu : Pa Pau Kap Langte ahi uh hi.
Ks.140000/- tawh Tahan ah kiorder in a singteng pen inn pan kibawl hia a, Ks.57000/- bei hi.
A zazut ding in samlai a, ZYA Logo mel pua in kizut ding hi.

ZoheisaLibrary kizosiangta

Zozang ah khangnote kilapsang zawhna ding leh laisim a hahkat khua i suah zawhna ding in Laibusaal innpi khat kilam a, tu in kizosiangta hi.
 A mun pen Sia Eng Khua Langte bawngbuk mun lui hi a, lam 3 kimkot a zai hi.Tuapen a mau hong piak ngiat ahi hi.
A tungkhuh sikkang teng Pa Dai Khan Khualte inn kuan in hong piak ahi hi.
Balendersikkang teng Evan. Suang Dal in hong piak ahi hi.
Tua loteng pen khualetuiHausa,ZYA, leh Lungchungyite tawh kop a hanciamna tha ahi hi. Tungsiah pan huhna tawh kilam ahi kei hi.
A sung ah a kisam  tutpha sau khat Pu Dai Suan Thang te innkuan hong hong pia uh hi.
Laibu tuamtuam koihna ding Buzu,sabuai leh tutphah piakkhiatna tawh ma pangkhawm ciat lai ni.
Lettama: Lian Za Dal,Dal Khua Lang,Cate.Mang Cin Mung leh Thang Tul Tuante ahi uh hi.
Tha le ngal a tawl a gim mapang a kuamah peuhtung ah i biak Pasian hoihna hong kilang ta hen.